قەندیل پرێس
قەندیل پرێس- بەغداد
محەمەد شیاع سودانی، سەرۆک وەزیرانی عێراق دوای بانگەوازی پاراستن لە هێرشەکان لەبەغدا سەردانی بارەگای سەرەکی حەشدی شەعبی کرد و لەم سەردانەدا چەند پەیامێکی ئاڕاستە کرد:
حکومەت چاوپۆشی لە هیچ هێرشێک ناکات کە بکرێتە سەر چەکدارانی حەشدی شەعبی و هەموو جۆرەکانی تری هێزە چەکدارەکان.
تۆمەتبارکردنی حەشد بە ئەنجامدانی کاری “دەرەوەی یاسا”، یان نەزانییە یان چەواشەکارییەکی بە مەبەستە. حەشد هێزێکی سەرەکییە و لە ژێر چەتری دەستوور و یاسادا کار دەکات.
ئەمەش لە کاتێکدایە حەشدی شەعبی لە ڕاگەیاندراوێکدا داوای لە سەرۆک وەزیرانی عێراق کردبوو، کە پێویستە حکومەتی عێراق حەشدی شەعبی لە هێرشەکانی ئیسرائیل و ئەمریکا بپارێزت.
