قەندیل پرێس
وتیشی: “هەردوو سەرۆک هەڵسەنگاندنی نزیکیان هەبوو بۆ ڕەفتارەکانی ڕژێمی کێیڤ بە سەرکردایەتی (ڤۆلۆدیمێر) زێلێنسکی، کە بە هاندانی ئەوروپییەکان و پشتیوانییان، سیاسەتێک پەیڕەو دەکات ئامانج لێی درێژکردنەوەی ماوەی ململانێکانە”.
بە گوتەی ئوشاکۆف، سەرۆکی ڕووسیا ئامادەیی خۆی نیشانداوە بۆ “ڕاگەیاندنی ئاگربەست بە درێژایی ماوەی ئاهەنگەکانی ڕۆژی سەرکەوتن”، و وتیشی کە “ترەمپ بە چالاکانە پاڵپشتی ئەم دەسپێشخەرییەی کردووە و پێی وابووە کە جەژنەکە هێمایە بۆ سەرکەوتنێکی هاوبەش”.
ڕووسیا لە 9ی ئایاردا یادی ڕۆژی سەرکەوتن دەکاتەوە وەک یادکردنەوەی سەرکەوتنی یەکێتی سۆڤیەت بەسەر ئەڵمانیای نازیدا لە جەنگی جیهانی دووەم، و لەو بۆنەیەدا ساڵانە نمایشێکی سەربازی لە ناوەڕاستی مۆسکۆ ئەنجام دەدرێت.
ماوەی نزیکەی سێ هەفتەیە ئاگربەستێک کارایە کە دوای زیاتر لە 40 ڕۆژ لەو جەنگە بەدەستهات کە ویلایەتە یەکگرتووەکان و ئیسرائیل دژی ئێران دەستیان پێکردبوو.
واشنتن و تاران یەکەم خولی دانوستانەکانیان لە ئیسلام ئاباد لە سەرەتای مانگی نیساندا ئەنجامدا. لە سایەی چەقبەستوویی هەوڵەکان بۆ دەستپێکردنەوەی گفتوگۆکان، گەشتە دەرەکییەکەی عێراقچی دێت کە تێیدا پێرێ سەردانی ڕووسیای کرد.
عێراقچی لەگەڵ سەرۆک پوتین کۆبووەوە و پوتین جەختی کردەوە کە مۆسکۆ هەموو توانایەکی خۆی بەکاردەهێنێت بۆ یارمەتیدان لە کۆتاییهێنان بە جەنگ لە ڕۆژهەڵاتی ناوەڕاست.
وتیشی کە “ڕووسیا هاوشێوەی ئێران، مەبەستیەتی بەردەوام بێت لە پەیوەندییە ستراتیژییەکانمان”، و ستایشی “ئاستی ئازایەتی و پاڵەوانێتی گەلی ئێرانی کرد لە تێکۆشانیان بۆ سەربەخۆیی و سەروەرییان”.
