سەرکردایەتی ٧ حیزبی ڕۆژهەڵاتی کوردستان کۆبوونەوەی هاوبەشیان ئەنجام دا

بەپێی زانیارییەکان دوێنێ ٢٦ی ٦ی ٢٠٢٥ لە هەوڵێکی نوێدا بۆ پتەوکردنی هەماهەنگیی سیاسی و یەکڕیزی، سەرکردایەتیی حەوت حیزبی ڕۆژهەڵاتی کوردستان کۆبوونەوەیەکی هاوبەشیان بەشێوەی ئۆنلاین ئەنجام دا.

ئامانجی سەرەکیی کۆبوونەوەکە تاوتوێکردنی ڕێگاکانی پێکهێنانی “ئەنجومەنی هاوکاری و یەکگرتوویی” و دەستپێکردنی پرۆسەی داڕشتنی چوارچێوەیەک بۆ ئەم هاوکارییە بووە.

ئەو حەوت لایەنەی کە بەشدارییان لە کۆبوونەوەکە کردووە بریتین لە:

– مستەفا هێجری، سکرتێری گشتیی حیزبی دێموکراتی کوردستانی ئێران (PDKI)
– حسێن یەزدانپەنا، سەرۆکی پارتی ئازادیی کوردستان (PAK)
– ڕەزا کەعبی، سکرتێری گشتیی کۆمەڵەی زەحمەتکێشانی کوردستان (KZK)
– ئیبراهیم عەلیزادە، دەبیری کۆمەڵە ڕێکخراوی کوردستانیی حیزبی کۆمۆنیستی ئێران
– عەبدوڵڵا موهتەدی، سکرتێری گشتیی کۆمەڵەی شۆڕشگێڕی زەحمەتکێشانی کوردستانی ئێران
– بابەشێخ حوسێنی، سکرتێری گشتیی سازمانی خەباتی کوردستانی ئێران
– ئەهوەن چیاکۆ، نوێنەری پارتی ژیانی ئازادی کوردستان (پژاک)