قەندیل پرێس
دۆناڵد ترەمپ سەرۆکی ئەمریکا ڕایگەیاند، گەمارۆی دەریایی سەر ئێران لانابەم، مەگەر تاران لەسەر ڕێککەوتنێک سەبارەت بە نیگەرانییە ئەتۆمییەکان ڕازی بێت
ھەروەھا گوتی، پێشنیاری ئێرانییەکان بۆ کردنەوەی گەرووی هورمز و لادانی گەمارۆکان لە سەرەتادا و دواخستنی دانوستانە ئەتۆمییەکانم ڕەتکردەوە.
لە درێژەی قسەكانیدا سەرۆكی ئەمریكا ڕایگەیاند، کۆگاکانی نەوت و هێڵە بۆرییەکانی ئێران لە لێواری تەقینەوەدان، چونکە ناتوانێت نەوت هەناردە بکات، ھەروەھا فەرماندەیی ناوەندی ئەمریکا (سێنتکۆم) پلانێکی بۆ شەپۆلێکی هێرشی “کورت و بەهێز” بۆ سەر ژێرخانەکانی ئێران ئامادە کردووە، کە تەنها لە ئەگەری دەرکردنی فەرمان لەلایەن منەوە جێبەجێ دەکرێن.
ھەروەھا گوتی، گەمارۆی دەریایی بۆ سەر ئێران کاریگەرترە لە بۆردومان كردنی.
