Qendîlprêss
Li gorî nûçeya malpera Amerîkî Axios, rayedarên payebilind ên Sûriye û Îsraîlê li Urdunê civînek girîng li dar xistin da ku rageşiya di navbera her du welatan de kêm bikin û kontrol bikin. Li gorî du çavkaniyên agahdar, Wezîrê Derve yê hikûmeta veguhêz a Sûriyeyê, Esed Şeybanî, û Serokê Mossadê yê Îsraîlê, Roman Gofman, beşdarî civînê bûne. Axiosê ragihand ku mijara sereke ya civînê dîtina rêbazên ji bo aramkirina aloziyan û pêşîgirtina li bilindbûna rageşiyê di navbera Şam û Tel Avîvê de bû. Heta niha tu aliyek daxuyaniyek fermî derbarê civîna hesas de nedaye. Nivîsgeha Serokwezîrê Îsraîlê jî tu agahî parve nekiriye û Şeybanî bersiva pirsên Axiosê neda.
