Planê 7 Xalî yê Bahçelî li dijî polîtîkayên Îsraîlê

Serokê MHPyê Devlet Bahçelî, li ser êrişa Îsraîlê ya li ser baregeha leşkerî ya “Ebû Zihûrê” ya li Sûriyeyê bertek nîşan da û hişyarî da ku divê Îsraîl dest ji gurkirina tengezariyê berde. Bahçelî got ku Tirkiye naxwaze alozî derkeve, lê heger gelê Tirk rabe, ti hêz dê nikaribe li ber xwe bide.

Bahçelî êrişa 18ê Tebaxa 2026an ya li ser baregeha Ebû Zihûrê wekî binpêkirina serweriya dewletan binav kir û bang li Îsraîlê kir ku dev ji ceribandina sebir û gurkirinên li dijî Tirkiyeyê berde. Ew herwiha ji bo rawestandina polîtîkayên Îsraîlê planeke 7 xalî pêşkêş kir.

Plana 7 Xalî ya Bahçelî:

1. Parastina Serweriyê û Avabûna Ewlehiyê: Parastina serweriya welatên endam bi rêya “Peymana Mekayê” ya di navbera Siûdî Erebistan, Pakistan û Tirkiyeyê de û avakirina “Hevpeymaniya Qudsê” wekî hêzeke parastinê.
2. Encûmena Aştiyê ya Navneteweyî: Avakirina encûmeneke demkî ya aştiyê li Rojhilata Navîn bi tevlêbûna Amerîka, Rûsya, Çîn û Yekîtiya Ewropayê.
3. Mekanîzmeya Diyalogê û Konferansa Ewlehiyê: Lidarxistina “Konferansa Ewlehî û Aştiyê ya Rojhilata Navîn” di bin çavdêriya Neteweyên Yekbûyî de.
4. Daxuyaniya Enqereyê: Ragihandina ku Tirkiye dê ti carî li hemberî êrişên bi eger ên Îsraîlê bêdeng nemîne û berpirsyarê encaman dê Tirkiye nebe.
5. Rola Çavdêriya Navneteweyî: Avakirina “Rola Çavdêriya Demkî ya Navneteweyî” bin sîwana Navneteweyên Yekbûyî de.
6. Koma Têkiliyê ya Navbeynkariyê: Avakirina “Koma Têkiliyê ya Navbeynkariyê ya Piralî” ji bo birêvebirina qeyranan.
7. Mekanîzmeya Tirsandinê ya Leşkerî: Zêdekirina fiîarên siyasî û aborî li ser Îsraîlê û xebitandina mekanîzmayên bergiriya leşkerî.