Qendîlprêss
Serokwezîrê Herêma Kurdistanê Mesrûr Barzanî di daxuyaniyekê de got ku li gorî lêkolîn û agahiyên piştrastkirî yên Dezgeha Dijî Terorê ya Herêma Kurdistanê, nivîsgeha wî ya taybet û cihê rûniştina Rêveberê Ajansa Parastinê di êrişeke dronên Îranî de hatine armancgirtin. Barzanî bi tundtirîn şêwe êrişê şermezar kir û ew wekî pêngaveke metirsîdar û gefeke rasterast li ser asayîş û aramiya Herêma Kurdistanê binav kir. Wî tekez kir ku ev êriş nikarin wan ji domandina erkên xwe û parastina welatiyan bisekinînin. Serokwezîr herwiha diyar kir ku tevî gef û êrişên derveyî sînor, Hikûmeta Herêma Kurdistanê dê bi biryar li ser parastina asayîş û ewlehiya welatiyan bimîne.
