قەندیل پرێس
هەسەدە ڕایگەیاند، پێنج شەڕڤانیان لە بەرخۆدان بەرانبەر هێرشەکانی داعش لە دێرەزوور شەهیدبوون، هەروەها بەڵێنی دا بۆ تۆڵەکردنەوەی شەهیدان و درێژەدان بە ڕێگاکەیان.
ناوەندی ڕاگەیاندنی هێزەکانی سووریای دیموکراتیک (هەسەدە) بە ڕاگەیاندراوێک شەهیدبوونی پێنج شەڕڤانی ئاشکرا کرد.
لە ڕاگەیاندراوەکەدا هاتووە: “پێنجهەڤاڵمان لە وەڵامدانەوەی هێرشێکی شانەیەکی چەتەکانی داعش بۆ سەر خاڵێکی سەربازیی هێزەکانمان لە گوندەواری دەیرەزۆر، شەهیدبوون؛ هەڤاڵانمان تا کۆتایی شەڕیان کرد و هێرشی چەتەکانیان تێکشکاند.
بە سەربەرزییەوە شەهیدبوونی حەسەن حامید ئەحمەد (ئادەم)، عزەدین سەعید خەلیفە (یوسف)، عەمار محەمەد عەلوش (بەری)، عەمار محەمەد خەلیفە (جودی)، مازن عەبدوڵا خەڵەف (قەیسەر) ڕادەگەیەنین کە نموونەی فیداکاری و قارەمانێتی بوون، لە هەموو گۆڕەپانەکان وڵاتەکەیان پاراست.
بەڵێن دەدەین کە تۆڵەی شەهیدان بکەینەوە و بەردەوام دەبین لە پاراستنی هەرێم و گەلەکەمان.
