قەندیل پرێس
هونەرمەند ژیوار حاجبی، ناسراو بە خەتەر، کە خەڵکی سنەی رۆژهەڵاتی کوردستانە لە ئەڵمانیا گیانی لەدەستداوە.
خەتەر لەدایکبوونی ساڵی 1982ـە و لە منداڵییەوە لەگەڵ ماڵباتەکەی چوونەتە ئەڵمانیا.
تاوەکو ئێستا هۆکاری گیانلەدەستدانەکەی نازانرێت، بەڵام شەوی رابردوو (شەوی پێنجشەممە 8-5-2025) گیانی لەدەستداوە.
رۆژنامەی بیڵدی ئەڵمانی دەڵێت، لە شارەکەی خۆی، لە کۆڵن گیانی لەدەستداوە.
خەتەر هونەرمەند و راپەرێکی بەنێوبانگی ئەڵمانیا بوو کە بە زمانی ئەڵمانی بەرهەمەکانی بڵاودەکردەوە. لە وڵاتانی ئەڵمانیا، سویسرا و وڵاتانی نێوەڕاستی ئەورووپا ملیۆنان هەواداری هەبوو.
ئەو هونەرمەندە کوردە جگە لە کاری هونەری، هاوکات بزنسمان بوو و بەتایبەت بەوە ناسرابوو کە زنجیرەیەک خواردنگەی لە شارە گەورەکانی ئەڵمانیا هەیە.
