قەندیل پرێس
لە چوارچێوەی پڕۆژەی یەک کتێبخانە بۆ هەر گەڕەکێک، شارەوانیی گەورەی ئامەد لە باکووری کوردستان و شارەوانیی ناوچەی رەزان، کتێبخانەی مەستوورە ئەردەڵان، یەکەمین مێژوونووس و شاعیری ناوداری کوردی شاری سنەیان کردەوە.
لەو ڕێوڕەسمەدا، سێرا بۆجاک، هاوسەرۆکی شارەوانیی ئامەد، ڕایگەیاند کە دروستکردنی کتێبخانەی نوێ بەشێک لە بەرنامەی فراوانکردنی دەستڕاگەیشتن بە سەرچاوەی پەروەردەییە و پێشوازیی خوێندکاران و گەنجان نیشانەی پێویستیی زۆر بەو ژینگەیەیە.
مەستوورە ئەردەڵان، شاعیر و مێژوونووسی ناوداری کورد، ساڵی ١٨٠٤ لە شاری سنە لە دایک بووە و بە هەردوو زمانی کوردی و فارسی شێعری نووسیوە. مێژووی ئەردەڵان یەکێکە لە بەرهەمەکانی ناوبراو کە بە شێوەیەكی زانستی بۆ مێژوو نووسراوە. هەروەها لە شێعرەكانی ناوبراو، نزیکەی دوو هەزار بەیت ماونەتەوە.
