قەندیل پرێس
لەمیانی گردبوونەوەیەکی جەماوەریی پارتەکەیدا لە وانی باکووری کوردستان، تونجەر باکرهان، هاسەرۆکی پارتی دەم رەخنەی لە دەسەڵات گرت کە بە گوێرەی خواستی خۆی دەروازەی ئیمراڵی دەکاتەوە و دایدەخات.
باکرهان گوتیشی، “ماوەی مانگێکە دیدارەکان لەگەڵ ئیمراڵی کەمبوونەتەوە. ئایا بەمشێوەیە دەتانەوێت ئاشتی دەستەبەربکەن؟”.
ئاماژەی بەوەشکرد، گرتنی دەروازەکانی ئیمراڵی بۆ مانگێک و کردنەوەی لە مانگێکی دیکەدا، خزمەت بە پرۆسەکە ناکات.
باکرهان گوتیشی، رەنگە بۆچوونمان جیاوازبێت بەڵام پێویستە ئاشتی کۆلکەی هاوبەشمان بێت.
تونجەر باکرهان، هاوسەرۆکی پارتی دەم ئەوەشی گوت، “رەنگە بیر و بۆچوونمان جیاوازبێت لە یەکتر بەڵام لەبارەی ئاشتی، لەبارەی باوەڕ بە ئاشتی، پێویستە هەموومان هاوبەشبین. کورد چی دەوێت؟ ئازادی و دیموکراسیی دەوێت. پێکەوەژیانی یەکسانی دەوێت. ئەمە کوێی خراپە؟ ئایا ئەو کەسانەی دژایەتی پرۆسەکە دەکەن، دەزانن دژی چی وەستاونەتەوە؟”.
