قەندیل پرێس
قەندیل پرێس
مەزڵوم عەبدی، فەرماندەی گشتیی هێزەکانی سووریای دیموکرات (هەسەدە)، پەیامێکی هاوخەمی ئاراستەی هەرێمی کوردستان و هێزەکانی پێشمەرگە کرد و ڕایگەیاند، هاوبەشی ئەو خەمەن کە بەهۆی شەهیدبوونی کۆمەڵێک لە “پاڵەوانانی پێشمەرگە” ڕووی لە ناوچەکە کردووە.
فەرماندەی گشتیی هەسەدە لە پەیامەکەیدا کە بە زمانی کوردی (کرمانجی) بڵاوی کردووەتەوە، ئاماژەی بەوە کردووە: “ئێمە هاوخەمی گەلی کورد لە هەرێمی کوردستان و هێزەکانی پێشمەرگەین بۆ شەهیدبوونی پاڵەوانەکانیان.”
هەر لەو پەیامەدا، مەزڵوم عەبدی سەرەخۆشی ئاراستەی سەرۆک مەسعود بارزانی، بەرپرسانی هەرێمی کوردستان و بنەماڵەی شەهیدان کردووە و هیوای چاکبوونەوەی خێرای بۆ بریندارانی ئەو ڕووداوە خواستووە.
