قەندیل پرێس
نرخی تمەن ئەمڕۆ دووشەممە بەراورد بە دوێنێ، دابەزی.
دوێنێ یەک دۆلاری ئەمریکی بە نزیکەی 103 هەزار تمەن مامەڵەی پێوەدەکرا، بەڵام ئەمڕۆ دووشەممە یەک دۆلار بە 106 هەزار و 100 تمەن مامەڵەی پێودەکرێت.
بەوپێیەش لەماوەی یەک هەفتەدا نرخی دۆلار بەرامبەر بە تمەن بەڕێژەی 10.18٪ بەرزبوونەوەی بەخۆیەوە بینیوە و لە ماوەی 6 مانگی رابردووشدا بەڕیژەی 16.27٪ بەرزبووەتەوە.
ئەگەری گەڕانەوەی گەمارۆ نێودەوڵەتییەکانی سەر ئێران بوونەتە هۆکار بۆ ئەوەی خواست بۆ کڕینی دۆلار و دراوی بیانی لە بازاڕی دراوەکانی ئێراندا بەرزبێتەوە و بەوپێیەش نرخی تمەن نزیکدەبێتەوە لە کەمترین ئاستەکانی خۆی لە مێژوودا کە لە مانگی چواری ئەمساڵدا روویدا.
