قەندیل پرێس
✍️ فەریبا محەممەدی
پەیامی بەرێز ئۆجالان دەکرێ خوێندنەوەی ورد و هەمەلایەنەی بۆ بکرێت و مەرجیش نیە بە دڵی هەموو تاکێکی کورد بێ.
بەڵام کورد بە چەندین هۆ، ناتوانێ دژی ئاشتی بێ، ئێستا ئەوە پەکەکەیە کە دەبێ مەرجەکانی خۆی روو بە دەوڵەتی تورکیە رابگەینێ و تۆپەکە جارێکیتر بخاتە مەیدانی ئەوان.
دەسپێکی پرۆسەی ئاشتی (ئەگەر دەسەڵاتدارانی تورک بە جیددییانە) بەشێوەیەکی گشتی لە قازانجی کوردە لە هەموو بەشەکانی کوردستان و بە تایبەت رۆژئاوا.
لە ئاڵۆزی رۆژهەڵاتی ناڤین و بەریەککەوتنی بەرژەوەندی زلهێزەکان، گرنگە رێبەرانی کورد چۆن خوێندنەوەو هەڵسەنگاندن بۆ دۆخەکە دەکەن و لە ئاکامدا چۆن بڕیار لەسەر گۆڕینی هاوکێشەکان لە بەرژەوەندی بزووتنەوەی کورد ئەدەن و ژیرانە ئەم قۆناغە تێپەڕێنن لە ئاراستەی وەدی هێنانی داخوازیە رەواکانی جووڵانەوەکە و هاوکات پاراستنی ئەو دەستکەوتانەی دەستەبەر کراوە.
بێگومان خەباتی رەوای خەڵکی کوردستان لە هەموو بەشەکان وێڕای هەوراز و نشێوی زۆر، خەباتێکی رەوا و بەرحەقە و تا گەیشتن بە ئاسۆی سەربەستی هەر بەردەوام دەبێ.
