قەندیل پرێس
وەزارەتی دەرەوەی ئەمریکا پێشوازی لە کۆبوونەوەکەی بافڵ جەلال تاڵەبانی و مەسرور بارزانی دەکات و دەڵێت، “هانی هاوبەشەکانمان لە هەرێمی کوردستان دەدەین بۆ پێکهێنانی کابینەی نوێی حکومەت.”
نووسینگەی رۆژنامەوانیی وەزارەتی دەرەوەی ئەمریکا لە وەڵامی پرسیارێک سەبارەت بە کۆبوونەوەی نێوان سەرۆکی یەکێتیی نیشتمانیی کوردستان و سەرۆکی حکومەتی هەرێمی کوردستان ئاماژەی بەوەکرد، ” پێشوازی لە هەوڵی سەرکردە سیاسییەکانی هەرێمی کوردستان دەکەین بۆ بەرەوپێشبردنی پرۆسەی سیاسی”.
دەشڵێت، هانی هاوبەشەکانمان لە هەرێمی کوردستان دەدەین بۆ پێکهێنانی کابینەی نوێی حکومەت دوای هەڵبژاردنی تشرینی یەکەمی رابردوو، کە رێگە بە حکومەتی هەرێمی کوردستان دەدات دامەزراوەکانی هەرێمی کوردستان بەهێزبکات و چاکسازیی ئەنجامبدات.
