قەندیل پرێس
شەوی ڕابردوو، هێرشێکی چەکداری لەلایەن سوپای عەدل کرایە سەر بنکەیەکی پۆلیسی ئێران لە شاری سەراوان و لە ئەنجامدا ئەفسەرێکی پۆلیس كوژرا و یەكی دیكەش بریندار بوون.
یەکشەممە، ئاژانسی هەواڵی تەسنیم سەر بە ڕێژیمی ئێران بڵاوی کردەوە، ژمارەیەک چەکداری سوپای عەدل هێرشیان کردووەتە سەر بنکەیەکی پۆلیسی سەراوان لە باشووری ڕۆژهەڵاتی ئێران و لە ئەنجامی هێرشەکەدا ئەفسەرێکی پۆلیسی بنکەکە کوژراوە و پۆلیسێکی دیکەش بریندار بووە.
هەروەها لە هێرشەكەدا، سێ چەکداری عەدل کوژراون و دوو کەسی دیکەش دەستبەسەر کراون.
چەند سەرچاوەیەک ئاماژەیان بەوە کردووە، کە چەکدارەکان سەر بە ‘سوپای عەدل’ بوون، بەڵام تا ئێستا هیچ پشتڕاستکردنەوەیەکی فەرمی لەلایەن دەسەڵاتدارانی ئێرانەوە بڵاونەکراوەتەوە.
