عەبدوڵا ئۆجالان پەیامێكی نوێی بڵاوكردەوە

عومەر ئۆجالان پەرلەمانتاری توركیا و برازای عەبدوڵا ئۆجالان  سەبارەت بە دیداریان لە ئیمراڵی بەبۆنەی جەژنی قوربانەوە، زانیاری نوێی ئاشكراكرد.

عومەر ئۆجالان دەڵێت “بەبۆنەی جەژنی قوربانەوە ئێمە وەك بنەماڵە لەگەڵ بەڕێز عەبدوڵا ئۆجالان كۆبووینەوە. باوەڕمان مەزنتر بووە كە پرۆسەی بانگەوازی ئاشتی و كۆمەڵگەی دیموكراتیك ڕێگە بۆ سیاسەتێكی نوێ، ڕێكخستنێكی نوێ، خوڵقاندنی مانایەكی نوێ دەكاتەوە. لەم كاتەدا كە پێشكەوتنی گرنگ و مێژوویی ڕوودەدەن، پەیامی بەڕێز عەبدوڵا ئۆجالان بە بۆنەی جەژنەوە پێشكەشی ڕای گشتی دەكەم”.

عەبدوڵا ئۆجالان بەبۆنەی جەژنی قوربانەوە رایگەیاندووە،”جەژنی قوربان بە بێ قوربانیدان لە گەلەكەمان پیرۆز دەكەم، سڵاو بۆ گەلەكەم دەنێرم.”