قەندیل پرێس
یەکێتیی ژووری پیشەسازی و بازرگانیی حەلەب، گەمارۆی حکومەتی کاتیی سووریای لەسەر گەڕەکە کوردییەکانی شێخ مەقسوود و ئەشرەفییەی شەرمەزارکرد.
ئەمڕۆ، یەکێتیی ژووری پیشەسازی و بازرگانیی حەلەب، لە ڕاگەیاندراوێکدا هێرش و گەمارۆکانی سەر گەڕەکە کوردییەکانی شێخ مەقسوود، ئەشرەفییە و بەنی زەیدی شەرمەزار کرد.
لە ڕاگەیاندراوەکەدا جەختکرایەوە، کە گەمارۆکان بە تەواوەتی جووڵەی بازرگانی و کەرتی پیشەسازی پەکخستووە و زیانی بە کەرتی بازرگانیی پارێزگاکانی دیکەی سووریا گەیاندووە، ئەمەش زیانێکی گەورەی نەک لە جووڵەی بازرگانیی حەلەب بەڵکوو بە بازرگانی نیشتیمانی گەیاندووە.
هەر لە ڕاگەیاندراوەکەدا بانگەواز لە حکومەتی کاتیی سووریا کرا، لە زووترین کاتدا بەبێ مەرج گەمارۆکان هەڵبگرێت، و سەرجەم ڕێگاکان بە مەبەستی جووڵەی بازرگانی و پێشەسازی و پێویستییەکانی لە گەڕەکەکانی شاری حەلەب بکاتەوە.
