قەندیل پرێس
پۆلیسی ئوسترالیا رایگەیاند، لە ئەنجامی تەقەکردن لە ئاهەنگێکی جووەکاندا لە ناوچەی بۆندی بیچی سیدنی، 12 کەس کوژراون و 20ی دیکەش برینداربوون. یەکێک لە کوژراوەکان، هێرشکارێک بووە.
پۆلیس رووداوەکەی بە “تیرۆرستی” ناو برد، بەڵام رایگەیاند کە ناسنامەی هێرشکارەکان ئاشکرا ناکەن.
پۆلیسی ئوسترالیا پێشتر رایگەیاندبوو کە 2 کەس لەسەر رووداوەکە دەستگیر کراون. بەڵام دواتر لە راستکردنەوەیەکدا روونیکردەوە کە یەکێک لە هێرشکارەکان کوژراوە و ئەوەی دیکەیان بە سەختی بریندار بووە.
بۆندی بیچ دەکەوێتە رۆژهەڵاتی سیدنی و بەناوبانگترین کەناری ئوستراڵیایە. رۆژانە چەندین کەس بۆ شەپۆلسواری و مەلەکردن سەردانی دەکەن.
