قەندیل پرێس
سەرۆکى هەرێمى کوردستان و فەرماندەى هێزەکانى هاوپەیمانیی نێودەوڵەتى لە عێراق و سووریا کۆبوونەوە و جەختیان لە گرنگیی بەردەوامیی هاوکاریی و هەماهەنگییەکان بۆ رووبەڕووبوونەوەی تیرۆر و بەهێزکردنی توانای هێزە ئەمنییەکان کردووە.
نێچیرڤان بارزانی و جەنەراڵ کێڤن لیهی، دوایین پێشهاتەکانى پەیوەست بە رەوشى ئەمنی لە عێراق و سووریا، هەڕەشەکانی ڕێکخراوی داعش لهسهر ئاسایش و سەقامگیریی ئەو وڵاتە، گفتوگۆیان لەبارەوە کرا.
هەردوولا جەختیانکردەوە، لە گرنگیى بەردەوامیی هەماهەنگیى هاوبەشى نێوان هەرێمی کوردستان و هاوپەیمانیی نێودەوڵەتی، لەگەڵ حکومەتی عێراق بۆ رووبەڕووبوونەوەی “تیرۆر” و بەهێزکردنی توانای هێزە ئەمنییەکان.
هەروەها نێچیرڤان بارزانی و جەنەراڵ کێڤن لیهی، لەبارەى پرسەکانی پەیوەست بە چاکسازی لە وەزارەتی پێشمەرگە، هەماهەنگیی نێوان دامەزراوەکانی هەرێمی کوردستان و هێزەکانی هاوپەیمانیی نێودەوڵەتى بیروڕایان ئاڵوگۆڕکرد.
