قەندیل پرێس
ساڵح موسلیم ئەندامی دەستەی سەرۆکایەتیی پەیەدە، نیگەرانیی خۆی لە پێکهاتەی حکومەتی راگوزەری سووریا دەربڕی و رایگەیاند، تاوەکو ئێستا ئیدارەى نوێی وڵاتەکە بەشێوەیەکی تاکلایەنانە مامەڵە دەکات و ئەو وەزیرە کوردەی لە کابینەکەشدایە، نوێنەرایەتیی گەلی کورد ناکات و سەر بە هیچ لایەنێکی سیاسی نییە.
لەبارەى حکومەتی راگوزەری سووریاوە گوتی، “تاوەکو ئێستا دەسەڵاتی نوێی سووریا بەشێوەیەکی تاکلایەنانە مامەڵە دەکات، ئێمە هیواخوازین بەشێوەیەکی دیموکراسییانە مامەڵە بکات و مافەکانی گەلی کورد پارێزراوبێت”.
گوتیشی، “هەموو ئەو هەنگاوانەی لە رابردوودا نراون، لە پێکهێنانی حکومەت، نووسینەوەی دەستوور، دروستکردنی لیژنە و ناردنی شاند، هەموویان بە شێوەیەکی تاکلایەنانە بوون”.
ساڵح موسلیم راشیگەیاند “ئەو وەزیرەی کوردەی لە حکومەتی نوێی سووریادا هەیە، نوێنەرایەتیی گەلی کورد ناکات”.
