قەندیل پرێس
هێزەکانی سووریای دیموکرات رایگەیاند، بەهۆی بۆردوومانەکانی تورکیاوە بۆ سەر بارەگای هێزەکانیان و هاونیشتمانییانی سڤیل، 12 کەس شەهیدبوون.
هەسەدە لە راگەیەندراوێکدا دەڵێت، پاشنیوەڕۆی چوارشەممە، فڕۆکە و درۆنی تورکیا چەند ناوچەیەکیان لە گوندەوارى روەیشد لەناوچەی شەدادی لە باشووری حەسەکە بۆردوومانکردووە.
بەگوێرەى راگەیەندراوەکە، فڕۆکە و درۆنەکانی تورکیا 16جار ناوچەکەیان بۆردوومانکردووە، هەروەها ئۆتۆمبێلێکی مەدەنیش بۆردوومانکراوە، کە شوانکارەی تیادابووە.
هەسەدە ئاشکرایکردووە، بەهۆی بۆردوومانەکانەوە، چوار شەڕڤان و شەش کرێکاری سڤیل و دوو شوان شەهیدبوون.
