قەندیل پرێس
ئەمڕۆ مەزڵوم عەبدی، فەرماندەی هێزەکانی سووریای دیموکرات (هەسەدە) دەچێتە دیمەشق و لە کۆشکی گەل لەگەڵ ئەحمەد شەرع، سەرۆککۆماری سووریا بۆ قۆناغی ڕاگوزەر کۆدەبێتەوە، ئامانجی سەردانەکەش تەواوکردنی ڕێککەوتنەکە و باسکردنە لە وردەکاریی ئەو 14 خاڵەی لەنێوان هەردوولادا واژۆ کراوە.
کات و شوێنی کۆبوونەوەکە
بەگوێرەی زانیارییەکان، سەردانەکە دوای ئەوە دێت کە ڕۆژی ڕابردوو بەهۆی نالەباری کەشوهەواوە دواخرا، کۆبوونەوەکەش لە کۆشکی گەل لە دیمەشق بەڕێوەدەچێت کە شوێنی مانەوەی سەرۆککۆماری سووریایە، ئەمەش دوای زنجیرەیەک شەڕ و ئاڵۆزی دێت لە ناوچەکانی تەبقە و ڕەقە.
