قەندیل پرێس
بەگوێرەی میدیاكانی توركیا، پێنج پەرلەمانتاری لیژنەی هاوپشتی نیشتمانی و برایەتی و دیموکراسی کە لەئەنجومەنی نیشتمانی گەورەی تورکیا پێکهێنراوە سەردانی ئیمرالی دەکەن و لەگەڵ عەبدوڵا ئۆجەلان کۆدەبنەوە.
ئەمڕۆ یەکشەممە چەند میدیایەکی تورکیا ئەوەیان ئاشکراکردوە سەرۆکی پەرلەمان بەزارەکی بەو پێشنیارەڕازی بوەو بڕیارە لەچەند ڕۆژی داهاتوودا پێنج کەس دیاریبکرێت و سەردانەکە بۆ لای ئۆجەلان ئەنجامبدرێت.
لەكاتێكدا، فەتی یەڵدز، جێگری سەرۆکی پارتی بزوتنەوەی ناسیۆنالیستی (مەهەپە) پێشنیازی ئەوەیکردبوو چەند ئەندامێکی لیژنەی هاوپشتی نیشتمانی و برایەتی و دیموکراسی کە لەئەنجومەنی نیشتمانیی گەورەی تورکیا پێکهێنراوە بۆ پرۆسەی چارەسەری، عەبدوڵا ئۆجەلان ببینێت.
یەڵدز باسی لەوەشكردبوو، دەستنیشانكردنی ئەندامی کۆمیتەی هاوپشتی نیشتمانی و برایەتی و دیموکراسی بەوردی لەلایەن نومان کورتولموش بۆ وەرگرتنی لێدوان لەعەبدوڵا ئۆجەلان، لەگەڵ ڕەچاوكردنی کات و شێوازەکەی بەوردی، هیچ لاوازییەكی تیادانیە.
