قەندیل پرێس
محەمەد شیاع سودانی، سەرۆک وەزیرانی عێراق ڕایگەیاند، عێراق بەڵێنی داوە هەموو چەکێک بخاتە ژێر کۆنترۆڵی دەوڵەتەوە، بەڵام ئەمە سەرکەوتوو نابێت تا ئەوکاتەی هاوپەیمانێتی نێودەوڵەتی بە سەرکردایەتی ئەمریکا کە هەندێک لە گروپە عێراقییەکان بە هێزێکی داگیرکەریان دەزانن، لە وڵاتەکەدا بمێنێتەوە.
محەمەد شیاع سودانی، سەرۆک وەزیرانی عێراق لەلێدوانێکدا دەڵێت، هێشتا پلانێک لە ئارادایە بۆ ئەوەی هاوپەیمانی نێودەوڵەتی دژی داعش تا مانگی ئەیلولی 2026 لە عێراق بکشێتەوە.
دەشڵێت، هەڕەشەی گروپە ئیسلامییە چەکدارەکان بەشێوەیەکی بەرچاو کەمبووەتەوە.
