قەندیل پرێس
رووکەن جەمال، گوتەبێژی راگەیاندنی یەپەژە راگەیاند “نێوەندگیریی هاوپەیمانی نێودەوڵەتی بە سەرپەرشتیی ئەمریکا لە نێوان تورکیا و هەسەدە بۆ راوەستاندنی هێرشەکانی سەر کۆبانی و پردی قەرەقۆزاق و بەنداوی تشرین و گواستنەوەی گۆڕی سوڵتان سلێمان شکستیهێنا”.
گوتەبێژی راگەیاندنی یەپەژە ئاماژەى بەوە کرد “تورکیا و گرووپە چەکدارەکانی داوای کیلۆمەترێک لە خاکی کانتۆنی فوڕاتیان دەکرد”.
دەشڵێت “مەبەستی تورکیا لە کیلۆمەترێک لە کانتۆنی فوڕات، گەمارۆدانی کۆبانی بوو”.
رووکەن جەمال روونیکردەوە “تورکیا دەیویست هەر لەنێو ئەو کیلۆمەترەدا بارەگا و چەکی قورس دابنێت”.
گوتیشى “ئێمە هێشتا ئامادەین گۆڕی سوڵتان سلێمان رادەست بکەین، بەڵام بە گوێرەی ئەو رێککەوتنەی لە سەردەمی رژێمدا کرا”.
بەگوتەى رووکەن جەمال “تورکیا و گرووپە چەکدارەکانی گۆڕی سوڵتان سلێمان دەکەن بە بیانوو بۆ هێرشکردنە سەر کۆبانی”.
دەشڵێت “مەترسی جددی هەیە لەسەر دەستپێکردنەوەی هێرشەکانی سەر شاری کۆبانی، پردی قەرەقۆزاق و بەنداوی تشرین”.
