قەندیل پرێس
ئەشکەوتی جاسەنە، بە دووری ٥٠ کیلۆمەتر دەکەوێتە ڕۆژئاوای شاری سلێمانی و لە ناوچەی سورداشدایە، زیاتر لە پەناگەیەکی سروشتییە. ئەم ئەشکەوتە لە مێژووی هاوچەرخی کورددا وەک قەڵایەکی شۆڕشگێڕی و ناوەندێکی ڕۆشنبیری ناسراوە. لە ساڵی ١٩٢٣، دوای هێرشی فڕۆکەکانی سوپای بەریتانیا، شێخ مەحموودی حەفیدی نەمر ئەم ئەشکەوتەی کردە پەناگە و چاپخانەیەکی تێدا دامەزراند.
هەر لەم ئەشکەوتەدا بوو کە یەکەم ژمارەی ڕۆژنامەی “بانگی حەق” لە ٢ی ئازاری ١٩٢٣ دەرچوو، کە بووە دەنگی ڕاستگۆی شۆڕش و ویستی نەتەوەیەک.
نیو سەدە دواتر و لە سەردەمی شۆڕشی نوێی باشووری کوردستاندا، جاسەنە جارێکی تر بووەوە پەناگەیەکی گرنگی هێزەکانی پێشمەرگە.
