قەندیل پرێس
هەژدەهەمین خولی فێستیڤاڵی نێودەوڵەتی شانۆی سەرشەقامی مەریوان بە بەشداریی زیاتر لە ٤۳ گرووپی شانۆی ناوخۆ و دەرەوە دەست بە چالاکییەکانی دەکات.
شاری مەریوان ماوەی پێنج ڕۆژ میوانداریی یەکێک لە گەورەترین ڕووداوە هونەرییە سەرشەقامەکانی ئێران دەکات بۆ برەودان بە هونەری شانۆ و خستنەڕووی کارە هونەرییەکان.
گرووپی هونەری لە وڵاتانی هیندستان و تونێس لەم خولەدا بەشدارن و ۲٠۹ بەرهەم پێشکەش بە نووسینگەی فێستیڤاڵ کراون، کە ٤۳ بەرهەم بۆ نمایشکردن هەڵبژێردراون.
فێستیڤاڵی شانۆی سەرشەقامی مەریوان بە یەکێک لە ڕووداوە گرنگەکانی بواری هونەریی شانۆ دادەنرێت لە ئێران کە ساڵانە لەو شارە بەڕێوەدەچێت کە بووەتە جێگەی سەرنجی زۆرێک لە هونەرمەندانی ناوخۆ و دەرەوە و هەمیشە بە گرنگییەوە لەلایەن خەڵکی مەریوانەوە پێشوازی لێکراوە.
