قەندیل پرێس
قەندیل پرێس – هەولێر
ئەمرۆ لەسەر کێشەی زەوی و زار شەڕ لە نێوان عەشیرەتی هەرکی و هێزەکانی حکومەت و پارتی دیمۆکراتی کوردستان روویداو، دوو کوژرا و دەیان بریندار ليکەوتەوە، شەڕی کۆلان بە کۆلان دەستێکراوە.
هونەر کەرکی ئامۆزای خورشید هەرکی کەسایەتی عەشیرەتی هەرکی بە قەندیل پرێس راگەیاند؛ بنەماڵەی بارزانی دەیەوێت بە هێزی حزب و حکومەتی ستەم لە هەرکیەکان بکات، لە کاتێکدا کێشەکە لە نێوان ئەوان و عەشیرەتی گحۆان بووە.
دوای دەستپێکردنی رووبەرووبوونەوەی ئێوارەی ئەمرۆ لە نێوان خورشید هەرکی و هێزەکانی زێرەڤانی، دژە تیرۆری پارتی کەمێک پێش ئێستا هێزەکانی پێشمەرگە و زێرەڤانی هێزی زیاتریان کۆکردەوە و بۆ دەستگیرکردنی خورشید هەرکی و کۆنترۆڵکردنی هێزەکەی.
حکومەتی هەرێمی کوردستان هێزێکی زۆری پێشمەرگە، زیرەڤانی، دژە تیرۆ و ئاسایش بە چەکی قورسەوە بردوتە قەزای خەباتی سەر پارێزگای هەولێر و دەیان ئۆتۆمبێلی سەربازی و تانک و زریپۆشی حکومەتی لە لایەن هەرکیەکانەوە سوتێنراون.
هەرکییەکان رێگای سەرەکی خەبات – هەولێریان داخستووە و ئێستا هەرکیەکی زۆر لە بادینان گربونەتەوە لە نزیک گوندی یەکمالە بۆ هاتنیان بە هانای خۆرشید هەرکییەوە. و تاوەکو ئێستا چارەنوسی شەرەکە دیارنیە.
