قەندیل پرێس
بەڵێن ساڵح، رۆژنامەوانى بەشى کوردیى دەنگى ئەمریکا و براى بەرهەم ساڵح، سەرۆککۆمارى پێشووى عێراق کۆچى دواییکرد.
بەڵێن ساڵح، ساڵى 1961 لە دایکبووە و لە ساڵی 1996ـەوە لە ئەمریکا دەژیا، لە مانگی کانوونى یەکەمى ساڵی 1999ـەوە لە بەشی کوردیی دەنگی ئەمریکا کارى دەکرد و بەرنامەى “ژیان لە فەرهەنگدا”ـى پێشکەش دەکرد و ڕۆژی یەکشەممە کۆچى دواییکرد.
بەڵێن ساڵح، لە سەرەتاکانی ساڵانی نەوەدەکانەوە دەستى بەکارى رۆژنامەوانى کردووە و لە ژمارەیەک گۆڤار و رۆژنامە و رادیۆ و تەلەڤزیۆنی هەرێمی کوردستان کارى کردووە.
