قەندیل پرێس
بەڵگەفیلمی “ئاوازی باڵەكان”، بەرهەمی دەرهێنەری ڕۆژهەڵاتی كوردستان “هێمن خالیدی”، لە سێهەمین خولی فێستیڤاڵی نێودەوڵەتیی فیلمی “بوسان” لە كۆریای باشوور، كە گەورەترین فێستیڤاڵی فیلمە لە ئاسیا، پلەی یەكەمی بەشی بەڵگەفیلمەكانی پێ بەخشرا.
هێمن خالیدی، دەرهێنەری خەڵكی شاری شنۆی ڕۆژهەڵاتی كوردستانە، بەڵگەفیلمی “ئاوازی باڵەكان”، چیرۆكی ژیانی سێ هاوژین بە شێوەیەكی هاوتەریب و تێكەڵاو دەخاتە ڕوو. ئەم بەڵگەفیلمە لە گوندی دەرەتفێی سەر بە شاری مەریوان بەرهەم هێنراوە، كە ئەم گوندە بە شاری لەقلەقەكان ناسراوە.
