قەندیل پرێس
بڕیارە لە دوو رۆژی داهاتوودا ئەنەکەسە و پەیەدە جارێکی دیکە کۆببنەوە و ئەنجامی ئەو لیژنەیەی بۆ چارەسەرکردنی کێشەکانی نێوانیان پێکهێنراوە گفتوگۆی لەسەر دەکرێت.
ئەنجوومەنى نیشتمانیی کورد لە سووریا “ئەنەکەسە” و پارتی یەکێتیی دیموکرات “پەیەدە” لەم کۆبوونەوەیەدا گفتوگۆ دەکەن لەسەر نەخشەڕێگەیەکی هاوبەش و یەکخستنی ریزەکانی کورد لەم قۆناغەى ئێستاى سووریادا.
هەروەها پێویستیی هەموارکردنەوەی راگەیاندنی دەستووری نوێی سووریا تاوتوێ دەکرێت.
لە کۆبوونەوەی یەکەمجاردا کۆمیتەى هاوبەش لەنێوان هەردوولا پێکهێندراوە بۆ چارەسەرکردنى گرفتە تەکنیکى و لۆجستییەکان بۆ ئەنجامدانى کۆبوونەوەى دووەمى نێوان ئەنەکەسە و پەیەدە و لەم کۆبوونەوەیەدا گفتوگۆ لەسەر ئەنجامی لیژنەکە دەکرێت .
رۆژى 18ـى ئازار “ئەنەکەسە” و “پەیەدە” بۆ ماوەی پێنج کاتژمێر بە ئامادەبوونی مەزڵوم عەبدی و مایکڵ کۆرێلا فەرماندەی سێنتکۆم کۆبوونەوە.
