قەندیل پرێس
ڕای گشتیی ئاگادار دەکەینەوە سەر لەئێوارەی ئەمڕۆ چوارشەممە ڕێکەوتی ٢٩ی ڕێبەندانی ١٤٠٤ی هەتاوی لە ڕووداوێکی گوماناویدا ئۆتۆمبیلێکی کۆمەڵە لە نێوان ڕێگای سلێمانی بۆ دووکان تەقیوەتەووە و بەداخ و پەژارەیەکی زۆرەوە پێشمەرگەیەکی کۆمەڵە بە ناوی «سەعید (هێرش) ڕەنجبەری» گیانی بەخت کردووە و «ئارام بەهرامی» یەکێکی دیکە لە پێشمەرگەکانمان بریندارە کە بە خۆشییەوە باری تەندروستیی جێگیرە.
بەم بۆنەوە سەرەخۆشی گەرمی خۆمان ئاراستەی بنەماڵە و هاورێیانی هاوڕێ هێرش و خەڵکی ناوچەی لەیلاخ دەکەین و هیوای هەرچی زووتر چاکبوونەوە بۆ هاوڕێ ئارام بەهرامی دەخوازین.
ئاسایشی سلێمانی و ئەمنییەتی کۆمەڵە خەریکی لێکۆڵینەوە لە ڕووداوەکەن و لە ڕاگەیاندنەکانی دیکەدا ڕای گشتی لێ ئاگادار دەبێتەوە.
کۆمەڵەی شۆڕشگێڕی زەحمەتکێشانی کوردستانی ئێران
سکرتارییەتی کومیتەی ناوەندی
٢٩ی ڕێبەندانی ١٤٠٤ی هەتاوی
١٨ی فێورییەی ٢٠٢٦ی زایینی
