هەرێمی کوردستان هێزێکی زۆر ڕەوانەی سنورەکان دەکات

قەندیل پرێس – هەولێر

بەهۆی گرژیەکانی نێوان حکومەتەکانی بەغداد و هەولێر، هەرێمی کوردستان هێزێکی زۆر ڕەوانەی سنورەکان دەکات.

ئەمرۆ دانوستانەكانی نێوان هەرێم و بەغدا بۆ گەیشتن بە رێككەوتن لەبارەی موچەو هەناردەكردنەوەی نەوت شكستیان هێناو، سبەی سێشەممە ئەگەری ئەوە هەیە پارتی بڕیاری كشانەوە لە حكومەتی عێراق بدات.

رۆژنامەنوس دڵشاد ئەنوەر راگەیاند؛ ئەمەریکا بە چڕی لەخەتە، داوا دەکات ڕێکبکەون، زمانی ئەمەریکا شەرقی نییە، بەڵکو زمانێکی دبلۆماسی نەرمە، بەڵام هەر لایەک لاساری بکات، باجەکەی دەدات.

عێراق رەشنوسێکی پێشکەشکردووە، ئەمە ناوەڕۆکەکەیەتی، ڕەنگە ڕای ئەمەریکای لەسەر بێت:
یەکەم؛ بە تەوتینکردنی سیستەمی موچە. دووەم؛ لەسەدا پەنجای داهاتی ناوخۆی هەرێم. سێهەم؛ داهاتی نەوتی هەرێم نزیکەی سێسەد هەزار بەرمیل نەوتە، گشتی بۆ عێراق، گوایە ٤٥ هەزاری دەگێڕنەوە بۆ هەرێم.

ئەمەریکا فشار دەکات، تا نەوت لە ڕێگەی جەیهانەوە هەناردە بکرێت، ئەمەش بۆ ئەوەیە نەوت بەقاچاخ نەبرێتە ئێران.

لە ئێستاوە تا سبەی، گفتووگۆی چڕی پشت پەردەی ناراستەوخۆ لە ئارادایە، بۆ رێککەوتن، بەڵام كارنامەی كۆبونەوەی سبەینێی ئەنجومەنی وەزیرانی عێراق، هیچ ئاماژەیەكی تێدا نییە بۆ تاوتوێكردنی پرسی خەرجكردنی موچەی فەرمانبەرانی هەرێم یاخود ئەنجامەكانی سەردانی وەفدە كوردییەكە بۆ بەغدا.

بەپێی سەرچاوەکان سبەی سێشەممە پارتی ئامادەکاری دەکات تا بڕیار دەدات بە كشاندنەوەی وەزیرەكانی لە حكومەتی فیدراڵی ئەوەش وەك هەنگاوێكی ناڕەزایەتی لەدژی بەردەوامیی دواخستنی موچەی فەرمانبەرانی هەرێم و نەگەیشتن بە رێككەوتنێكی رون لەگەڵ بەغدا.