قەندیل پرێس
موسا ئومیدی، ئەندامی ئەنجوومەنی بەڕێوەبەری و بەرپرسی بەرەی یەکگرتووی کورد لە پارێزگای ئیلام لەلایەن هێزە ئەمنییەکانی ئیلامەوە دەستبەسەر کرا.
موسا ئومیدی رۆژی چوارشەممە 02-07-2025 لە ماڵەکەی خۆیدا لەلایەن هێزە ئەمنییەکانەوە دەستبەسەر کراوە. تاوەکو ئێستا هۆکاری دەستبەسەرکردنی ئەو چالاکڤانە بە کەسوکاری رانەگەیێندراوە.
موسا ئومیدی لە دیارترین چالاکڤانانی سیاسی و مەدەنییە لە پارێزگای ئیلام. ئەندامی ئەنجوومەنی بەڕێوەبەریی بەرەی یەکگرتووی کورد و بەرپرسی بەرەکەیە لە پارێزگای ئیلام. پێشتریش چەندینجار بە هۆکاری سیاسی دەستبەسەر کراوە.
بەرەی یەکگرتووی کورد ساڵی 2005 لەلایەن ژمارەیەک پەرلەمانتار و چالاکڤانی سیاسی و مەدەنی کورد دامەزراوە، بە تاکە رێکخراوی سیاسی ئاشکرای نێوخۆی ئێران و رۆژهەڵاتی کوردستان دادەنرێت، بەڵام تائێستا مۆڵەتی فەرمی چالاکی پێنەدراوە.
