قەندیل پرێس
لە چوارچێوەی ڕێککەوتنی نێوان ئەنجوومەنی گشتیی گەڕەکی شێخ مەقسوود و گەڕەکی ئەشرەفییە و دەسەڵاتدارانی شام، هێزە سەربازییەکان چەکەکانیان لە هەردوو گەڕەکەکە دەکشێنەوە.
ڕۆژی ١ـی نیسان، ئەنجوومەنی گشتیی گەڕەکی شێخ مەقسوود و ئەشرەفییە و دەسەڵاتدارانی شام، ڕێککەوتنێکی ١٤ خاڵییان سەبارەت بە دۆخی ئەو دوو گەڕەکە واژۆ کرد.
لە چوارچێوەی ڕێککەوتنەکەدا دوێنێ (پێنجشەمە) وادەی ئازادکردنی زیندانییانی هەردوولا جێبەجێکرا، هەروەها ١٤٦ بارمتە لە ئەنجوومەنی شێخ مەقسوود و ئەشرەفییە و ٩٧ کەسی سەر بە حکومەتی شام ئازاد کران.
جێگەی باسە، ئەمڕۆ بەندی شەشەم سەبارەت بە کشانەوەی هێزە سەربازییەکان لەو دوو گەڕەکە بۆ ناوچەی ڕۆژهەڵاتی فورات دەچێتە بواری جێبەجێکردنەوە و هێزە سەربازییەکان لەو دوو گەڕەکە دەکشێنەوە.
