قەندیل پرێس
میدیای پارتی ئەنجامی کۆبونەوەکەی ئەمڕۆی مەسعود بارزانی و بافڵ تاڵەبانی ئاشکراکرد و دەڵێت، لەم دوو هەفتەیە پەرلەمانی هەرێمی کوردستان دەست بە چالاکییەکانی دەکاتەوە و دوای ئەوە هەنگاوەکانی پێکهێنانی حکومەت تەواو دەکرێن.
میدیای فەرمی پارتی لەزاری سەرچاوەیەکی باڵای حزبەکەی بڵاویکردەوە،” لێکنزیکبونەوەیەکی باش لە نێوان پارتی و یەکێتی هەیە بە تایبەتی لەسەر پرسی پێکهێنانی حکومەت، وەکوو هەنگاوی یەکەمیش لەم دوو هەفتەیە پەرلەمانی هەرێمی کوردستان دەست بە کار و چالاکییەکانی دەکاتەوە و دوای ئەوە هەنگاوەکانی پێکهێنانی حکومەت تەواو دەکرێن.”
ئەوەشیخستەڕوو،” لە کۆبونەوەکە تاوتوێی پێکهێنانی حکومەت و دابەشکردنی پۆستەکان کراوە “.
میدیای پارتی دەڵێت، کۆبونەوەکە ئەرێنی بوە و بڕیارە چەند کۆبونەوەیەکی دیکەش لە نێوان هەردولا بەڕێوەبچێت.
