قەندیل پرێس
قەندیل پرێس
بەرەبەیانی ئەمڕۆ هەینی، خوێندکارێکی زانکۆی خەڵکی قامیشلۆ، بەهۆی تەقەکردنی هەڕەمەکی چەکدارانی تەحریر شام لە ژوورەکەی لە بەشەناوخۆیی زانکۆ لە زانکۆی تیشرین لە لازقیە گیانی لەدەستدا.
باوکی خوێندکارە کۆچکردووەکە بەناوی عادل کاشۆ ڕاگەیاند، ژیندای کچی لە ئەنجامی فیشەکێکی چەکداران گیانی لەدەستداوە، لەکاتێکدا لەگەڵ خوشکەکەی لە یەکێک لە بەشەناوخۆییەکانی زانکۆ لە لازقییە خەوتووە.
کاشۆ ئاماژەی بەوەدا کە کچەکەی خوێندکاری قۆناغی یەکەمی پزیشکی بووە. بنەماڵەیەی کاشۆ سەرلەبەیانی ڕۆژی هەینی ئەمبولانسێکیان لە قامیشلۆوە ڕەوانەی لازقیە کرد بۆ گەیاندنی تەرمەکەی و ناشتنی لە قامیشلۆ.
