قەندیل پرێس
ڕۆزەرین کەمانگەر، بەرپرسی دیپلۆماسی لە KJAR (بەشی ژنانی سەربەخۆی PJAK)، بە ڕۆژنامەی Klassekampen دەڵێت:
لە دیدگای ئێمەوە (-KJAR,PJAK)، ئەمریکا هیچ پلانی بۆ هێنانی دیموکراسی نییە. نە ئەمریکا و نە ئێرانیش هیچ پلانیان نییە بۆ ئازادی گەلی کورد.
ئەو؛ شەڕەکە بە “پێکدادانی هێزە سەرمایەدارییە جیهانییەکان و دەوڵەتە ناسیۆنالیستییە ناوچەییەکان” دەناسێنێت.
کۆماری ئیسلامی ساڵانە هێرشی کۆمەڵگەی کردووە، بەڵام ئەمریکا بۆ پاراستنی ئەو کۆمەڵگەیە نەچووە ناو ئەم شەڕە؛ بەڵکو بۆ پاراستنی ڕێگاکانی وزە و بەرژەوەندییەکانی خۆی شەڕ دەکات.
ماوەیەک وا وێنا دەکرا کە گرووپە کوردییەکان دەبن بە هێزی پیشەوەی ئەمریکا لە شەڕ دژی ئێران. راپۆرتەکان سەبارەت بەوەی کە CIA کار دەکات بۆ چەکدارکردنی گرووپە کوردی-ئێرانییەکان، سەردێری هەواڵەکان بوون لە سەرتاسەری جیهاندا.
بەشداربووانی کورد لە شەڕی دژی ئێران دۆناڵد ترەمپ سەرەتا پشتگیری لەو بیرۆکەیە کرد – پاشان لە ناکاو رەتی کردەوە کە کوردەکان بەشداربن لە شەڕەکەدا.
بەڵام، هێشتا گومان و قسەوباسەکان دەربارەی هاوکاری بەردەوامن.
هەندێک گرووپی کوردی-ئێرانی وەک PAK ئامادەی بەشداریکردنن ئەگەر ئەمریکا هێزی خاکی بنێرێت و پشتگیری و دلنیایی راستەقینەیان بدات.
بەڵام PJAK، کە ڕیشەکانی دەگەرێتەوە بۆ بزووتنەوەی PKK و بیرۆکەکانی عەبدوڵڵا ئۆجەڵان، هەر جۆرێک لە هاوکاری سەربازی لەگەڵ ئەمریکا رەت دەکات.
ڕۆزەرین کەمانگەر، بەرپرسی دیپلۆماسی لە KJAR (بەشی ژنانی سەربەخۆی PJAK) بە ڕۆژنامەی Klassekampen دەڵێت:
– لە دیگای ئێمەوە (KJAR، PJAK) ئەمریکا هیچ پلانی بۆ هێنانی دیموکراسی نییە، نە ئەمریکا و نە ئێرانیش هیچ پلانیان نییە بۆ ئازادی گەلی کورد.
ئەو، شەڕەکە بە «پێکدادانی هێزە سەرمایەدارییە جیهانییەکان و دەوڵەتە ناسیۆنالیستییە ناوچەیییەکان دەناسێنێت.
کۆماری ئیسلامی ساڵانە هێرشی کۆمەڵگەی کردووە، بەڵام ئەمریکا بۆ پاراستنی ئەو کۆمەڵگەیە نەچووە ناو ئەم شەڕە؛ بەڵکو بۆ پاراستنی ڕێگاکانی وزە و بەرژەوەندییەکانی خۆی شەڕ دەکات.
ئامادەبوونی لە ناو ئێران
شیکەرەوانی سیاسی ئاماژەیان داوە کە گرووپە کوردییەکان توانای سەربازییەکی سنوورداریان هەیە، تەنانەت ئەگەر بیانەوێت بەشداربن.
دێنیس ناتالی، یاریدەدەری پێشوو لە وەزارەتی دەرەوەی ئەمریکا، لە Foreign Policy نووسیویەتی کە بە تایبەتی PJAK ئەو گرووپەیەیە کە توانای ڕاستەقینە و ئەزموونی شەڕی نۆی هەیە.
ئەم گرووپە لە هەرێمی کوردستانی عێراقدا جێگیرە، وێنەی گرووپە کوردییەکانی دیکەی ئێرانی. لە دوای دەستپێکردنی شەڕەکە، ئێران و میلیشیا پشتیوانکراوەکانی چەندین هێرشیان دژی هێزە کوردییەکان ئەنجام داوە.
ئەمریکا بۆ پاراستنی کۆمەڵگە نەچووەتە ناو ئەم شەڕە
ڕۆزەرین کەمانگەر دەڵێت ئەوان هەنگاوی پێویست لە پێناوی بەرگری و وەڵامدانەوەی هێرشەکان هەڵدەگرن، وەک بە هێزکردنی سیستەمی بەرگری (کۆمەڵگە) و ڕاهێنانی لەسەر خۆپاراستن.
ئەو هەروەها پشتڕاستی دەکاتەوە کە PJAK هێزی سەربازی لە ناو ئێرانیش هەیە.
هێزەکانی ئێمە لە زەویدا تەواو ئامادەن و دەزانن چۆن لە هەڵومەرجە جیاوازەکاندا رەفتار بکەن. گرنگترین شت ئەوەیە کە لە ڕۆژهەڵاتی کوردستاندا ئامادەن بۆ پاراستنی خەڵک.
بەڵام ئەو دەڵێت ئەم ئامادەبوونە تەنها سەربازی نییە:
بۆ چەندین ساڵ، هێزەکانمان کۆمەڵگەی ناوخۆیان ڕێکخستووە، بە تایبەتی لە نێوان ژنان و گەنجاندا.
ترسی یەکگرتوویی کوردی
کەمانگەر دەڵێت گرووپەکەیان ئامادەی گفتوگۆیە لەگەڵ هەر لایەنێک، بەڵام تەنها ئەگەر داواکارییەکانی گەلی کورد بە جدی وەربگیرێت. بە تایبەتی گرنگی بە هاوکاری لەگەڵ گرووپە کوردییەکانی دیکە دەدات.
پێش شەڕەکە، پێنج پارتی کوردی یەکگرتنەوە و هاوپەیمانێکیان دروست کرد بۆ ڕوخاندنی ڕژێمی ئێران و پێشخستنی خۆبەڕێوەبردنی کورد. لە کاتی شەڕدا، پارتیکی دیکەش پەیوەست بوو.
ڕژێم لە یەکگرتوویی کورد دەترسێت. سەرەڕای جیاوازییەکان، دەتوانین هەڵوێستە هاوبەشەکانمان بە هێزتر بکەینەوە.
ئەم هاوپەیمانیە باس لە دروستکردنی سیستەمی هاوبەشی بەرگری دەکات، هەروەها ئامانجە سیاسییەکان وەک مافەکانی ژنان و بەشداریکردنیان.
کەمانگەر شەڕەکە وەک “دۆخیکی هەستیار” پێناسە دەکات بەڵام پێی وایە کوردەکان بە هێزتر بوونەتەوە. لە هەمان کاتدا دەڵێت هیچ لە داواکارییەکانیان لە ئێران جێبەجێ نەکراون و بانگهێشتی کوردەکان دەکات کە زیاتر لە هەر کاتێک ئاگادار بن.
جگە لە یەکگرتوویی نەتەوەیی، پێویستە گرنگی بدرێت بە دروستکردنی هاوپەیمانی لەگەڵ گەلانێکی جیاواز، تەنها بەو شێوەیە دەتوانرێت دیموکراسی لە ئێران و ئازادی لە کوردستان بەدی بێهێنین.
