قەندیل پرێس
پێشنیوەڕۆى ئەمڕۆ نرخی یەک دۆلاری ئەمەریکی لە بازاڕی دراوی تاران گەیشتە 106 هەزار و 250 تمەنی ئێرانی.
بە گوێرەی ماڵپەڕەکانی ڕاگەیاندنی نرخی دراو لە ئێران، دوای پەسەندنەکردنی بڕیارنامەی هەڵپەساردنی هەمیشەیی گەمارۆ نێودەوڵەتییەکان دژی ئێران، ڕایانگەیاند “نرخی یەک دۆلاری ئەمەریکی لە بازاڕی ئازادی تاراندا گەیشتە 106هەزار و 250 تومەن.”
ڕۆژی هەینی، 19ـی ئەیلوول، لەسەر بنەمای ڕێککەوتنی ئەتۆمی، کۆریای باشوور، بە پێشکەشکردنی ڕەشنووسی بڕیارنامەیەک بە ئەنجوومەنی ئاسایشی نەتەوە یەکگرتووەکان، داوای هەڵپەساردنی هەمیشەیی گەمارۆ نێودەوڵەتییەکانی کرد، بەڵام ئەنجوومەن پەسەندی نەکرد.
