قەندیل پرێس
ئەمڕۆ سێشەممە، شاندێکی باڵای هێزەکانی سووریای دیموکرات (هەسەدە) بە سەرۆکایەتیی مەزڵووم عەبدی گەیشتە دیمەشق و بە ئامادەبوونی نوێنەری ترەمپ لەگەڵ ئەحمەد شەرع کۆدەبێتەوە.
ئامانج لەم سەردانە کۆبوونەوەیەکی گرنگی سێقۆڵییە، کە تێیدا نوێنەرانی کورد و حکومەتی سووریا و لایەنی ئەمریکی ئامادەن، بۆ گفتوگۆکردن لەسەر دۆخی باکووری و رۆژهەڵاتی سووریا.
شاندی کوردی بە سەرۆکایەتیی مەزڵووم عەبدی، فەرماندەی هێزەکانی هەسەدەیە و هەریەک لە روهلات عەفرین، فەرماندەی یەکینەکانی پاراستنی ژنان- یەپەژە و ئیلهام ئەحمەد، بەرپرسی پەیوەندییەکانی دەرەوەی بەڕێوەبەرایەتیی خۆسەر یاوەریی دەکەن.
لە کۆبوونەوەکەدا، تۆم باراک، نوێنەری دۆناڵد ترەمپ، سەرۆکی ئەمریکا بۆ سووریا و ئەدمیرال کووپەر، فەرماندەی فەرماندەیی ناوەندیی هێزەکانی ئەمریکا (سێنتکۆم) بەشدارن، کە رۆڵێکی بەرچاو دەگێڕن لە پڕۆسەی گفتوگۆکان.
لە لایەنی دیمەشقەوە، هەریەک لە ئەحمەد شەرع، سەرۆکی کاتیی سووریا و ئەسعەد شەیبانی، وەزیری دەرەوەی سووریا ئامادەن.
