قەندیل پرێس
فەرماندەی گشتی هێزەکانی سوریای دیموکرات (HSD) مەزڵوم عەبدی، بەشداريی لە مەراسیمی ١٠ـەمین ساڵوەگەڕی دامەزراندنی ئەنجومەنی سوریای دیموکرات (MSD) کرد و وتارێکی پێشکەش کرد.
عەبدی لە سەرەتای وتارەکەیدا، یەکەمین ساڵوەگەڕی هەڵوەشانەوەی ڕژێمی پێشووی سوریای لە گەلی سوریا پیرۆزبایی کرد و ئاماژەی بەوە کرد کە ئەو ڕژێمە لە ئەنجامی خەباتێکی درێژدا هەڵوەشاوەتەوە.
عەبدی سەرنجی خستە سەر ڕێککەوتنی ١٠ی ئازار و گوتی: «پێویستە ڕێککەوتنی ١٠ی ئازار ببێتە بنەمای سوریایەکی نوێ و ئێمە وەک هێزەکانی سوریای دیموکرات (HSD) و هەموو هێزە سەربازییەکان، بە تەواوی پابەندی ئەم ڕێککەوتنەین.»
لە بەردەوامی وتارەکەیدا، عەبدی بە وردی لەسەر دۆخی ئێستای سوریا وەستا و وادیار کرد: «کێشەکانی سوریا لە چەند ڕۆژێکدا چارەسەر ناکرێن. ئەنجامە ئەرێنییەکان بەدەستهاتوون، بە تایبەتی لە بواری سەربازی و ئەمنی.»
عەبدی گرنگیی پەیوەندییە باشەکانی لەگەڵ وڵاتانی دراوسێش دیاری کرد و گوتی: «وڵاتانی دەوروبەر ئیتر وەک جاران دوژمنایەتی ئێمە ناکەن و گۆڕانکاری لە هەڵوێستەکانیاندا ڕوویداوە.»
عەبدی سەبارەت بە یەکگرتنەوەی HSDـیش مژدەی دا و وادیار کرد: «مژدە بە هەموو گەلەکانمان دەدەین کە تا کۆتایی ئەمساڵ، یەکگرتنەوەی HSD لە ناو سوپای سوریادا جێبەجێ دەکرێت.»
لە کۆتاییدا، عەبدی گوتی: «ژمارەیەکی دیکە بابەت هەن کە ئێمە لە ڕووی بەڕێوەبەرییەوە لەسەر چارەسەرکردنیان کار دەکەین.»
