قەندیل پرێس
ئەندامێكى تەڤگەری ئازادیی کوردستان مهترسیهك لهبارهى پرۆسهى ئاشتیى ئاشكرادهكاتو دهڵێت:”حكومەتەکەی ئاکەپە لەئامادەیی ئۆجهلان بۆ پرۆسەکە دەترسێ، دهشڵێت:”کۆمسیۆنو کۆمەڵگەش ترسو نیگەرانییهكى زۆریان ههیه كه ئاکەپە لەپرۆسەکە بکشێتەوە”.
هێلین ئومێد ئەندامی تەڤگەری ئازادی کوردستان لەچاوپێکەوتنێکدا لەگەڵ مەدیا خەبەر تیڤی ڕایگهیاند، “لهئێستادا پرۆسەکە بەرەوپێش دهڕوات، سەرنجی هەموانیش بەتایبەت لەسەر کۆمسیۆنی دیموکراسی، خوشک-برایەتیو یەکگرتنی نەتەوەییە، نابێت کارەکانی کۆمسیۆن جیاواز لەکارەکانی پرۆسەی گشتیی تەماشا بکرێت، لەپرۆسەیەکداین کە بەڕەنج، قوڵبونەوەو هێزی هزریی ڕێبەر ئاپۆ ئافرێندراوە، پێکهێنانی کۆمسیۆنو کارەکانیشی بەشێکن لەپرۆسەکە”.
بهوتهى هێلین ئومێد، “لەبابەتەکانی خاوەنداریکردن لەپرۆسەکە، ڕوبەڕوبونەوەی واقع، خاوەنداریکردن لەڕاستییەکانو گفتوگۆیەکی بوێرانە، ترسو نیگەرانی هەیە، هۆکاری ترسو نیگەرانییەکانیش دەسەڵاتداریی ئاکەپەیە”.
زیاتر وتى:”دۆخەکە لەبەر دوو هۆکار بەمشێوەیە؛ ڕابردویەک لەئارادایە، بەپرۆسەیەکی سیاسییدا تێپەڕین، دەرکەوت ئاکەپە خۆی سپاردوە بەکۆمەڵگەی کوردو خواستی خۆی ڕێکخراو بکات، واقعی ئاکەپە-ئەردۆغانمان بینی لەداوای ساڵانی 2000كانهوه بوە دەسەڵاتدار، بەڵێنی ئازادیدا بەکوردان، پرۆسەکە پێشکەوت، لەو پرۆسانەدا ڕۆڵیکی گێڕا، بەڵام دواتر زۆر بەزویی، هەروەک دەوترا دەمامکەکەیان کەوتەخوارەوەو ڕوخساری ڕاستەقینەی خۆیان نیشانداو کۆمەڵگەی کوردیو تورکیش ئەمەی بینی”.
ئهوهشى وت:”دەمەوێت بڵێم، کەسانی بەویژدانی کۆمەڵگەی تورکیا لەم بابەتەدا دەبێت زیاتر بەهەڵوێستی لێپرسینانەوە بجوڵێنەوە، ئەوە حەقیقەتێکە؛ ستەمکردن لەکۆمەڵگەی کوردی هاوکات کۆمەڵگەی تورکیش لەناو دەبات، واته تورکەکان دەچەوسێنێتەوەو وادەکات دەنگی کۆمەڵگەی تورک دەرنەکەوێ، بەهەڕەشە دەترسێندرێتو بەبەردەوامی خەریکی بانگەشەیە بۆ شەڕ، ڕێکلامکردن بۆ چەک، گرتن، دەستەبەسەکردنو توندوتیژیی پۆلیس، ئهوهى باسم كرد، ئاکەپەیه كه خاوەن تۆمارێکی لەمشێوەیەیە، بۆیە هەموان ترسێکیان هەیەو نیگەرانن كه ئاكهپه لەپرۆسەکە بکشێتەوە”.
بهوتهى هێلین، “ئەوەی پرۆسەی ئاشتیى خێراترکردوە هەنگاوەکانی ئۆجهلانه، هەمیشە ئاکەپەو حکومەت لەم بابەتەدا لاوازبون، ڕهنگه بڵێن بۆچی؟ لەبەرئەوەی سەیری ڕوداوو پێشهاتەکانی ناوچەکە دەکاتو دەیەوێت لەسەر ئەو بنەمایە پێگەی خۆی دیاریبکات، گەر دەرفەتی بۆ بڕەخسێت خواستێتی جارێکی دیکە کوردان سەرکوت بکات، چونکە فێری ئەمە بوەو بەدەر لەمە ناتوانێت سیاسەتێکی دیکە بکات، شەڕ، توندوتیژیی، فشارو ستەمو ئەمە وەک فرسەت دەبینێت، هەندێک ئەمە بەدیکتاتۆرێتی تاکڕەوی ناودێنن، هەموو بڕیارەکان لەلایەن یەک کەسەوە دەدرێت، دەسەڵاتێکی سیاسی لەمشێوەیە فۆڕمی گرت”.
ههر لهو دیدارهدا هێلین باسى ڕهوشى گفتوگۆكانى ئیمراڵى كردوهو وتویهتى، “نزیکەی مانگێکە هیچ دیدارێکی ڕێبەر ئاپۆ نەکراوە، ڕاستە وتمان گۆشەگیریی هەندێک شکێندراوە، ڕاستە ئاپۆ چەند دیدارێکی ئەنجامداو بوە هۆکاری زیندوبونەوەی هیواکان، بەڵام دیداری ئاپۆ لەگەڵ بنەماڵەو پارێزەرانو سیاسەتمەداراندا وەک پێویست نییە، هەرچەندە خۆی لەخۆیدا ئەم دیدارانە بەمەرجی دەستوریی ئەنجامدەدرێن، پێگەی دیلگرتن هێشتاش درێژەی هەیە، بۆیە هەوڵدەدات بەمشێوەیە نزیکی ڕێبەر ئاپۆ بێتەوە، بەڵام بەدڵنیاییەوە ئەمە سەرناگرێت”.
