قەندیل پرێس
سەروەت و سامانی کەسی و هەژماری بانکی و مۆبایلی وریا غەفووری، ڕاهێنەری یانەی ئیستقلال لە لایەن ڕژێمی کۆماری ئیسلامی ئێرانەوە دەستی بەسەردا گیراوە و بلۆک کراوە.
ئەم کارە سەرکوتكەرییە ڕاستەوخۆ دوای داخستنی کۆمەڵە كافێكانی “كافە وریا” لە تاران هات؛ کافێکانی كە خاوەنەكەی وریا غەفوورییە و لە ڕۆژانی ١٨ و ١٩ی بەفرانبار داخران.
دادستانی تاران داخستنی كافێكانی وەك “هاوکاری لەگەڵ ئاژاوەگێڕییەکان” و “پشتیوانی لە ناڕەزایەتییەکان” لێک دایەوە و فەرمانی داخستنی دەرکرد. ئێستا دەستبەسەرداگرتنی سەروەت و سامان و بلۆککردنی ئەکاونت و هێڵی تەلەفۆن هەنگاوی دواتری فشارە ئابووری و ئەمنییەکانی سەر وریا غەفووریە؛ کەسێك كە ڕابردوویەكی پشتگیریی ئاشكرا لە ناڕەزایەتییەکانی ساڵانی پێشوو هەیە.
