قەندیل پرێس
ئەمڕۆ هەینی ۲۱ی سەرماوەز، هەڵمەتی زاگرۆسانە لە دارستانەکانی نێوان کاڵ و دەگاشێخانی مەریوان بەڕێوەچوو.
ئەنجومەنی سەوزی چیای مەریوان بە یارمەتیی ڕێکخراوە مەدەنییەکان، شاخەوانان و هەموو چین و توێژەکان، حەوتەمین ساڵی چالاکیی زاگرۆسانە لەژێر دروشمی “ژینایی ئەم نیشتمانە بە سەوزایی زاگرۆسەوەیە”، بەڕێوە دەبات.
چیای سەوز ڕایگەیاندووە: هەڵمەتی ناشتنی دەنکە بەڕوو، بە مەبەستی بووژاندنەوە و بەرگری لە داگیرکاری و تیمارکردنی دارستانە سووتاوەکان و ساڕێژکردنی بەشێکی بچووک لە زامی زاگرۆسی نیشتمانە.
