قەندیل پرێس
مهسعود بارزانی، سهرۆكی پارتی ڕایگهیاند، لهگهڵ نێردەی تایبەتی سەرۆك ترهمپ بۆ كاروباری سوریا و فەرماندەی گشتیی هێزەكانی سوریای دیموكرات و سەرۆكی ئەنەكەسە كۆبوهتهوه و “هیوادارین بە زوترین كات ئەو شەڕ و ئاڵۆزیی و گرژییانە ڕابگیرێن”.
مهسعود بارزانی ئهمڕۆ یهكشهممه له راگهیهندراوێكدا بڵاویكردهوه، “سەبارەت بە دوایین پەرەسەندن و گۆڕانكارییەكانی سوریا و لە چوارچێوەی هەوڵدان بۆ چارەسەركردنی كێشەكان، دوێنێ كۆبونەوەیەكی هاوبەشی گرنگمان لەگەڵ نێردەی تایبەتی سەرۆك ترهمپ بۆ كاروباری سوریا و فەرماندەی گشتیی هێزەكانی سوریای دیموكرات و سەرۆكی ئەنەكەسە هەبو”.
ئاماژهی بهوهشكردوه، “هیوادارین بە زوترین كات ئەو شەڕ و ئاڵۆزیی و گرژییانە ڕابگیرێن كە ئێستا لەنێوان هێزەكانی حكومەتی سوریا و هێزەكانی سوریای دیموكرات (ههسهده) لە ئارادایە و هەمولایەك بۆ ئەو ڕێككەوتنانە بگەڕێنەوە كە پێشتر بۆ چارەسەركردنی كێشەكان و گەییشتن بە سەقامگیری لەنێوان لایەنەكانی سووریا بەستراون”.
مهسعود بارزانی لهبارهی مهرسومهكهی ئهحمهد شهرع لهبارهی كورد، باسی لهوهكردوه، “هەروەها دەرچوونی مەرسومی سەرۆكی سوریا لەبارەی مافەكانی كورد بە هەنگاوێكی ئیجابی و ئاراستەی دروست دەزانین و هیوادارین ببێتە زەمینەیەك بۆ ئەوەی بە ڕەزامەندیی لایەنە پەیوەندیدارەکان دەوڵەمەند بکرێت و بە شێوەیەکی یاسایی و دەستوری، گەرەنتیی مافەكانی گەلی كوردی لەسەر بنیات بنرێت”.
