قەندیل پرێس
چالاکانی مەدەنی و ژینگەیی سەقز بە بڵاوکردنەوەی پۆستەرێکی ئاگادارکردنەوە، داوای ڕاگرتنی چالاکیی کانگای زێڕی سەقز دەکەن کە مەترسیی جیددیی بۆ سەر ژینگە و ژیانی خەڵک دروست کردووە.
لەم پۆستەرەدا هاتووە: “بە چالاکیی کانگای زێڕی شاری سەقز، ژیانی دانیشتووانی ڕێژگەی ئاوی زەڕینە هەر لە سەقزەوە تا تەورێز، لەژێر مەترسیدایە. چالاکیی ئەم کانگایە مەترسییەکی گەورەی ژینگەییە و دەتوانێ لە ڕێگەی ئاو، هەوا و خاکەوە ژیانی دانیشتووانی ناوچەکە تووشی نەخۆشی و مەترسی بکات.”
شایانی باسە کە لە پۆستەرەکەدا بە جوانی ئاماژە بە هۆکاری ئەم مەترسییانە، بەهرەوەرەکان و زیانبارەکان کراوە و باس لەوە کراوە کە پشکی خەڵکی ناوچەکە لەم کانگایە کە پاشەکەوتی ٢٥ ملیۆن تۆن زێڕە، تەنیا نەخۆشی، بێکاری، بێگاری و کۆڵبەرییە.
