قەندیل پرێس
قەندیل پرێس
دوای دوو رۆژ لە ڕفاندن دوو رۆژنامەنوسی کورد لە دیمەشق سەرچاوەیەک لە کەناڵ8 بە قەندیل پرێسی راگەیاند؛ کەمێک لەمەو پێش هەردوو رۆژنامەنوسی کەناڵەکەمان ئەکرەم ساڵح و جودى حاج عەلى لە لایەن هێزە ئەمنیەکانی حکومەتی کاتی سوریاوە ئازادکران، بەڵام هێشتا نەگەیشتونەتە ناو کەسوکاریان.
قەندیل پرێس زانیویەتی هەردوو رۆژنامەنوسەکە لە لایەن چەکدارەکانی هەتەشە ڕفێنرابوون، هۆکارەکەش بۆ رۆماڵکردنی شەڕ و ئالۆزیەکانی جەرەمانی درۆزەکان لە دەوروبەری دیمەشق دەگەڕێتەوە کە هێزەکانی هەتەشە هێرشیان کردبوو سەر ئەو ناوچە درۆز نشینە.
دوێنێ کەناڵ8 لە راگەیەندراوێکدا بۆ رای گشتى و لایەنە پەیوەندیدارەکان، رێکخراو و سەندیکاکانى رۆژنامەوانیى ئاشکرای کردبوو، هەریەک لە پەیامنێری کەناڵەکەمان “ئەکرەم ساڵح” و “جودى حاج عەلى” کامێرامان، پەیوەندییان بە کەناڵەکەوە پچڕاوە و چارەنووسیان نادیارە.
لە راگەیەندراوەکەى کەناڵ8 دا ئەوەش هاتووە، ئەو دوو هاوکارەمان، تاوەکو کاتژمێر 06:00ـى ئێوارەی 30ـی نیسانەوە، پەیوەندییان بە ناوەندى هەواڵى کەناڵ8ـەوە هەبووە، لەوکاتە بەدواوە پەیوەندییەکەیان پچڕاوە و هیچ زانیارییەکمان لەبارەیانەوە نییە.
