قەندیل پرێس
ئەمڕۆ دووشەممە، دامەزراوە نەوتییەکانی کۆمپانیای ئارامکۆ لە جازان، لە نزیک سنووری یەمەن، لەلایەن حوسییەکانەوە هێرشی کرایە سەر، بەپێی دوو سەرچاوەی ئاگادار، کە بە ڕۆژنامەی فاینانشیاڵ تایمزیان ڕاگەیاندووە، ژێرخانی نەوتی کۆمپانیاکە بەهۆی هێرشەکەوە زیانی بەرکەوتووە و ئێستا تیمەکان سەرقاڵی هەڵسەنگاندنی زیانەکانن.
ڕۆژنامەکە ئاماژەی بەوەش داوە، ئەمە تەنیا مانگێک دوای ئەوە دێت کە هێرشێکی دیکە بووە هۆی ڕاگرتنی کاتیی بەشێک لە بەرهەمهێنانی پاڵاوگەکە.
تا ئێستا حووسیەکان بەرپرسیارێتی هێرشەکەی ئەمڕۆیان لە ئەستۆ نەگرتووە. لەو هەفتانەی دواییدا، حوسییەکان چەندین هێرشی درۆنی و مووشەکییان کردووەتە سەر ژێرخانی وزەی سعوودیە. جازان خاوەنی پاڵاوگەیەکی نەوتە بە توانای بەرهەمهێنانی ٤٠٠ هەزار بەرمیل لە ڕۆژێکدا و یەکێک لە گەورەترین پاڵاوگەکانی وڵاتەکەیە.
