قەندیل پرێس
قەندیل پرێس
بهپێی ئهو زانیاریانهى بەدەست قەندیل پرێس گەیشتوونە، ئامادەکاری دەکرێت لهچهند ڕۆژى داهاتودا به ئامادهبوونو نێوهندگیریى ئهمریكا و فەرەنسا، هەسەدە و حکومەتی دیمەشق کۆببنەوە و هەوڵی ئەوەش هەیە کە مهزڵوم عهبدى فهرماندهى هێزەکانی سوریای دیمۆکراتیک (ههسهده) و ئهحمهد شهرع سهرۆك کۆماری کاتی سوریا کۆببنەوە.
بەپێی زانیاریەکانی قەندیل پرێس، بۆ باشترکردنی گفتوگۆکانی نێوان هەسەدەو دەسەڵاتدارانی دیمەشق، بڕیارە لەماوەی چەند رۆژی داهاتوو، بەنێوەندگیری ئەمریكا و فەرەنسا جارێكی دیكە لەسەر ئاستێكی باڵا هێزەكانی سوریای دیموكرات و دەسەڵاتدارانی دیمەشق گەڕێكی دیكەی دانوستان دەستپێبكەنەوە، بەڵام دیسان توركیا دەیەوێت ئەم دانوستانە تێكبدات.
ئەمەش لە کاتێکدایە دوێنێ دوای هێرشەکانی گروپە چەکدارەکانی سەر بە دیمەشق بۆ سەر ئەشرەفیە و شێخ مەقسود دوو گەڕەکە کوردیەکانی حەلەب سەرچاوەیەکی باڵای نێو هێزەکانی سوریای دیمۆکراتیک (هەسەدە) بە قەندیل پرێسی ڕاگەیاند؛ هێرشەکانی سەر گەڕەکە کوردیەکانی حەلەب پیلانێکی تورکیا بۆ دروستکردنی ناکۆکی لە نێوان دیمەشق و هەسەدەیە، ئەمەش دوای ئەوە دێت کە چەند کاتژمێرک بوو وەفدی تورکیا بە سەرۆکایەتی هاکان فیدان، وەزیری دەرەوەی تورکیا، و یەشار گولەر، وەزیری بەرگری تورکیا و ئیبراهیم کاڵن، سەرۆکی دەزگای هەواڵگیری تورکیا (میت) گەیشتەنە دیمەشق و لە گەل ئەحمەد شەرع سەرۆک کۆماری کاتی سوریا و شەیبانی وەزیری دەرەوەی سوریا کۆبوونەوە و لەسەر چارەنوسی رێککەوتنامەی 10ـی ئازاری 2025 ی نێوان هەسەدە و دیمەشق گفتۆگۆ کرا، ئەو هەڕەشەیەی پێش دوو رۆژی تورکیا لە دژی هەسەدە لە دیمەشق جێبەجێکرا.
